無敵貓劍俠 3D (Puss in Boots 3D)

無敵貓劍俠 3D (Puss in Boots 3D)

今個農曆新年,貓王駕到!《史力加》系列、《功夫熊貓2》幕後精英落足十二成功力爆笑打造《史力加》系列最受歡迎人物“皮靴貓”嘅瘋狂歷險故事。《黑俠梭羅》型男安東尼奧班達拉斯(Antonio Banderas)繼續聲演身手敏捷嘅皮靴貓;加上拉丁情人莎瑪希恩(Salma Hayek)化身成全新角色綿掌貓女俠,以及《醉爆伴郎團》搞鬼肥仔嘜碩加利費維基斯(Zach Galifianakis)聲演嘅大壞「蛋」蛋散阿歷山大,兩貓一蛋拍硬擋,出發尋找傳說中嘅魔幻仙豆。夢工場賀歲鉅獻《無敵貓劍俠》(Puss In Boots)貓聲賀歲,保證開心過癮!

皮靴貓喺認識史力加之前,究竟有乜特別經歷?話說腳踏長靴、劍法一流嘅皮靴貓,一向Chok住嚟行俠仗義,冧死人無命賠,深受萬民愛戴!但係有一次,佢終於遇上一生中最大考驗…為咗喺阿積同阿招手上偷走絕迹咗幾個世紀嘅傳說魔豆;爭奪一隻世人夢寐以求、會生金蛋嘅金鵝,皮靴貓遇到佢一生中最強嘅敵人:美麗動人、專搞作對嘅綿掌貓女俠;以及一齊喺孤兒院長大嘅沙煲兄弟蛋散阿歷山大,並隨即展開一場魔幻歷奇大冒險!同場更會獨家披露皮靴貓「那些年,我們一起追的冷球」嘅童年生活,見識佢同蛋散之間嘅恩怨情仇!

導演:--
聲演:安東尼奧班達拉斯、莎瑪希恩、碩加利費維基斯、
片長:--
級數:--
上映日期:2012-01-21
人物:
安東尼奧班達拉斯(Antonio Banderas)飾皮靴貓
莎瑪希恩(Salma Hayek)飾綿掌貓女俠
碩加利費維基斯(Zach Galifianakis)飾蛋散阿歷山大